Steinþór Pálsson hefur störf hjá KPMG | KPMG | IS

Steinþór Pálsson til KPMG

Steinþór Pálsson

Steinþór Pálsson hefur gengið til liðs við ráðgjafarsvið KPMG þar sem hann mun leggja sérstaka áherslu á stefnumótunar- og rekstrarráðgjöf.

1000

Tengt efni

Steinþór Pálsson

Steinþór Pálsson nýr partner hjá KPMG

Steinþór Pálsson hefur gengið til liðs við ráðgjafarsvið KPMG þar sem hann mun leggja sérstaka áherslu á stefnumótunar- og rekstrarráðgjöf. Steinþór býr yfir mikilli reynslu af stjórnun og rekstri innlendra og alþjóðlegra fyrirtækja og við að leiða stór og krefjandi verkefni á sviði stefnumótunar og breytingarstjórnunar. Steinþór var til margra ára bankastjóri Landsbankans en þar áður var hann einn af yfirstjórnendum Actavis Group þar sem hann sinnti fjölbreyttum stjórnunarstörfum á árunum 2002-2010.  Áður starfaði hann sem fjármálastjóri hjá líftæknifyrirtækinu Urði, Verðandi, Skuld og var stjórnandi hjá Íslandabanka og Verslunarbankanum í um 15 ár. Samhliða starfi bankastjóra sat Steinþór m.a. í stjórn Viðskiptaráðs, gegndi formennsku hjá SFF og sat í framkvæmdarstjórn SA.

Steinþór er með MBA frá University of Edinburgh, Skotlandi og með Cand Oecon frá HÍ.

Benedikt K. Magnússon, sviðsstjóri ráðgjafarsviðs segir:

„Það er mjög ánægjulegt að fá Steinþór til liðs við okkur hjá KPMG.  Hann er frábær viðbót við okkar öfluga ráðgjafahóp með yfirgripsmikla og alþjóðlega reynslu af rekstri og stjórnun. Flestir okkar viðskiptavina munu með einum eða öðrum hætti þurfa ganga í gegnum breytingar á rekstri sínum á komandi árum til að aðlaga sig að breyttum þörfum viðskiptavina og hraðri tækniþróun. Þessi þróun opnar á fjölmörg viðskiptatækifæri en getur á sama tíma ógnaði rekstrargrundvelli þeirra sem aðlagast ekki eða sofna á verðinum.  Steinþór mun spila lykilhlutverk í leiðbeina og styðja viðskiptavini okkar, hérlendis sem erlendis, í þessari vegferð.“

Steinþór Pálsson segir:

„Ég hlakka til að hefja störf hjá KPMG og kynnast því öfluga fólki sem þar starfar. KPMG er þekkingarfyrirtæki og eitt öflugasta ráðgjafafyrirtækið á heimsvísu. Það verður spennandi að vera hluti af því umhverfi og taka þátt í að veita virðisaukandi þjónustu og ráðgjöf til viðskiptavina félagsins."

Um ráðgjafarsvið KPMG

Á ráðgjafarsviði KPMG á Íslandi starfa 45 ráðgjafar sem veita fyrirtækjum, stofnunum og sveitarfélögum ráðgjöf á sviði fjármála-, rekstrar, áhættu- og upplýsingatækniráðgjafar.  Ráðgjafarsviðið er ennfremur hluti af 1.000 manna ráðgjafarteymi KPMG á Norðurlöndunum sem hefur nær daglega aðkomu að ráðgjafaverkefnum fyrir viðskiptavini KPMG á Íslandi.

Nánari upplýsingar:

Hafið samband við Benedikt K. Magnússon sviðsstjóri ráðgjafarsviðs í síma 545 6236 eða með tölvupósti í netfangið bmagnusson@kpmg.is

© 2018 KPMG ehf. á Íslandi er aðili að alþjóðlegu neti KPMG, samtökum sjálfstæðra fyrirtækja sem aðild eiga að KPMG International Cooperative (KPMG International), svissnesku samvinnufélagi. Allur réttur áskilinn.

Hafðu samband

  • Skrifstofur okkar kpmg.findOfficeLocations
  • kpmg.emailUs
  • Samfélagsmiðlar @ KPMG kpmg.socialMedia