Rasmus Petersen ráðinn á ráðgjafarsvið KPMG | KPMG | IS

Rasmus Petersen ráðinn á ráðgjafarsvið KPMG

Rasmus Petersen ráðinn á ráðgjafarsvið KPMG

Rasmus Petersen sérfræðingur í bestun og sjálfvirknivæðingu viðskiptaferla (Robotics Process Automation) hefur hafið störf á ráðgjafarsviði KPMG.

1000

Tengt efni

Rasmus Petersen

Rasmus Petersen sérfræðingur í bestun og sjálfvirknivæðingu viðskiptaferla (Robotics Process Automation) hefur hafið störf á ráðgjafarsviði KPMG. Hann er tölvunarfræðingur að mennt og hefur unnið að fjölbreyttum verkefnum á sviði upplýsingatækni og breytingastjórnunar. Auk þess hefur hann unnið að innleiðingu á skrifstofuþjörkum sem viðskiptavinir KPMG víða um heim hafa nýtt sér með góðum árangri.

Rasmus hefur starfað á sviði upplýsingatækni erlendis um árabil en flutti til Íslands á síðasta ári. Undanfarin ár hefur hann starfað hjá stærsta lífeyrissjóði Dana, PFA, að greiningu, högun og innleiðingu ferla með áherslu á sjálfvirknivæðingu. Þá starfaði hann hjá stjórnsýslu Kaupmannahafnar og nærliggjandi sveitarfélaga (Region Hovedstaden). Þar kom hann m.a. að umbótum á ferlum og upplýsingatæknikerfum sjúkrahúsa. Þar áður starfaði hann m.a. sem sjálfstæður ráðgjafi, auk þess að koma að breytingastjórnun, kerfisrekstri og innleiðingum fyrir fjölmiðlana Berlingske og Politiken.

Þróun upplýsingatækni er nú hraðari en nokkru sinni. Sú þróun felur í sér mikil tækifæri fyrir íslensk fyrirtæki og stofnanir til bættrar þjónustu til viðskiptavina og aukinnar skilvirkni í rekstri. Rasmus bætist nú í hóp sérfræðinga á ráðgjafarsviði KPMG hér á landi og Norðurlöndunum sem veita ráðgjöf á þessu sviði.

Nánari upplýsingar:Hafið samband við Benedikt K. Magnússon sviðsstjóri ráðgjafarsviðs í síma 545 6236 eða með tölvupósti í netfangið bmagnusson@kpmg.is

© 2018 KPMG ehf. á Íslandi er aðili að alþjóðlegu neti KPMG, samtökum sjálfstæðra fyrirtækja sem aðild eiga að KPMG International Cooperative (KPMG International), svissnesku samvinnufélagi. Allur réttur áskilinn.

Hafðu samband

  • Skrifstofur okkar kpmg.findOfficeLocations
  • kpmg.emailUs
  • Samfélagsmiðlar @ KPMG kpmg.socialMedia