KPMG skrifar undir samning við Ólafíu Þórunni | KPMG | IS

Ólafía Þórunn alþjóðlegur merkisberi KPMG

KPMG og Ólafía Þórunn skrifa undir stuðningssamning

KPMG á Íslandi hefur gert alþjóðlegan stuðningssamning við atvinnukylfinginn Ólafíu Þórunni Kristinsdóttur og mun hún vera merkisberi KPMG á LPGA mótaröðinni ásamt m.a. Stacy Lewis sem nú er í 14. sæti heimslistans og hinni rísandi stjörnu Mariah Stackhouse. Eins og hinir merkisberar KPMG mun Ólafía Þórunn vera með logo KPMG framan á húfu sinni þegar hún keppir á LPGA 2017.

1000

Tengt efni

Ólafía Þórunn Kristinsdóttir

 „Ólafía Þórunn er sannarlega brautryðjandi sem íslenskir kylfingar og íþróttamenn almennt líta upp til,“ segir Jón S. Helgason, framkvæmdastjóri KPMG á Íslandi. „Við hjá KPMG erum ákaflega stolt af því að geta stutt við keppnisferil Ólafíu Þórunnar og bætast þannig í hóp þeirra góðu fyrirtækja sem stutt hafa dyggilega við bakið á henni undanfarin ár. Við hlökkum mikið til að fylgjast með henni á komandi keppnistímabili og vonum að henni vegni vel, bæði innan golfvallar og utan sem golfmerkisberi KPMG.“

„Það er mér mikill heiður að fá að njóta stuðnings svona virts fyrirtækis eins og KPMG sem hefur stutt dyggilega við kvennagolf undanfarin ár. Ég get ekki beðið eftir að verða þeirra fulltrúi og um leið fulltrúi Íslands þegar ég byrja feril minn á þessari sterkustu mótaröð í heimi,“ segir Ólafíu Þórunn.

Golfmerkisberar KPMG núna auk Ólafíu Þórunnar eru Phil Mickelson, Stacy Lewis, Mariah Stackhouse, Paul Dunne og Klara Spilkova. KPMG er einnig aðal stuðningsaðili KPMG Women’s PGA Championship sem er eitt af fjórum risamótunum á LPGA.

Frekari upplýsingar:
Jón S. Helgason
KPMG á Íslandi
Sími 545 6046
Netfang: jhelgason@kpmg.is

 

Afrek Ólafíu Þórunnar Kristinsdóttur

Ólafía Þórunn vann sér inn keppnisréttinn á LPGA mótaröðinni 2017 í byrjun desember sl., fyrst Íslendinga. Hápunktur þeirrar keppnisviku var 2. hringur hennar sem hún fór á 66 höggum, sem hún fylgdi svo eftir með glæsilegri spilamennsku og endaði aðeins einu höggi frá sigri. Gríðarlegur áhugi var hér heima meðan mótið fór fram auk þess sem fjöldi áhorfenda fylgdi henni eftir í toppbaráttunni, þar á meðal fjöldi Íslendinga sem höfðu lagt leið sína til Bandaríkjanna til að styðja við bakið á henni.

Áður en Ólafía Þórunn hóf atvinnumannaferil sinn, var hún annálaður ungur kylfingur sem vann fjölmörg golfmót unglinga og var hún valin efnilegasti kvenkylfingurinn á Íslandi árið 2009. Ólafía Þórunn varð Íslandsmeistari árið 2011 og 2016 og var fimm sinnum valin kylfingur ársins, síðast árið 2016. Hún var svo þriðja í kjörinu um íþróttamann ársins sem fram fór í desember 2016.

Í september 2014, eftir að hafa lokið háskólaferli sínum hjá Wake Forest háskólanum, gerðist Ólafía Þórunn atvinnumaður í golfi. Hún lauk keppni í 25. sæti á Lalla Aicha úrtökumótinu árið 2015, sem veitti henni fullan keppnisrétt á Evrópumótaröð kvenna árið 2016. Hennar besti árangur sem nýliði þessa tímabils var þegar hún náði 16. sæti á Tipsport Golf Masters og í 26. sæti á opna Fatima Bint Mubarak kvenna. 

Frekari upplýsingar veitir:
Jón S. Helgason
KPMG á Íslandi
Sími: 545 6046
Netfang: jhelgason@kpmg.is

© 2017 KPMG ehf. á Íslandi er aðili að alþjóðlegu neti KPMG, samtökum sjálfstæðra fyrirtækja sem aðild eiga að KPMG International Cooperative (KPMG International), svissnesku samvinnufélagi. Allur réttur áskilinn.

Hafðu samband

  • Skrifstofur okkar kpmg.findOfficeLocations
  • kpmg.emailUs
  • Samfélagsmiðlar @ KPMG kpmg.socialMedia
 

Óska eftir tilboði

 

Senda inn

pdf Hlaða niður pdf (192.9 KB)